Sés - opoñerse á extinción

Guadi Galego preséntase agora cun son e unha expresión artística máis madura etambien máis atrevida, máis melódica pero á vez, máis arriscada."Lúas de outubro e agosto" contén fermosas cancións cun nexo común, a natureza dascomposicións, a esencia do vivido e madurado, a emoción e a intensidade, a delicadezae o risco. Todo un exercicio de inspiración para encontrar vías non exploradas epropoñer unha música chea de sinceridade que sen dúbida vai sorprender. "Lúas de Outubro e agosto" gravouse en xuño de 2014 nos estudos Alis Records deBaeza coa produción musical a cargo de Pachi Alis, o mago que soubo entender aGuadi e conseguir un resultado sofisticado e sorprendente. Conta coas colaboracións deSanti Cribeiro ao acordeón e Pablo Pascual tocando clarinetes. "Lúas de Outubro e Agosto" preséntase nun orixinal digipack de edición limitada confaixa acuñada e libreto de 16 páxinas.

Vén de publicar Galaxia este fermoso álbum-CD-DVD con ilustracións de P. Pastor subtitulado "cantar e bailar para ser máis feliz": María Fumaça abrangue 24 letras cheas de vida e de ledicia conducidas por unha teteira vermella que convida a tomar algo quente para nos esquecer do frío outonizo. O libro gravita arredor de Ruí, un neno cunha parálise cerebral moi severa que, a pesar desa problemática, ten unha gran capacidade para gozar da vida. Temas musicais e vídeos coa participación de Uxía Senlle, Magín Blanco, Isaac Palacín, Carlos Blanco, Tanxarina Teatro, Quico Cadaval... Algúns dos vídeos foron elaborados con pictogramas para que os nenos con necesidades especiais poidan gozalo. Un obxectivo marabilloso que dá gusto sentir nesta publicación: a discapacidade como aceptación nun ambiente festivo e optimista.

Da recollida de pezas dun histórico serán celebrado na parroquia de Toutón (Concello deMondaríz) en 1995 naceu, xa que logo, como baúl para ben de conservar o tesouro da tradiciónrenacido, o grupo de cantareiras de Toutón.O grupo mantívose no tempo con tesón e con reviravoltas, e coa coraxe de avoas, nais e fillas,tomando acubillo do que se deu en dar o mellor serán do mundo. Logo xa, por volta do ano2008, salienta propiamente a figura do mestre Mingos Lorenzo. El coidou e aloumiñou otesouro, botou fe, certamente, na crenza dunhas mulleres, que teimaban en recuperar asmelodías e máis as letras daquelas festas aló polos anos corenta e cincuenta, cando ían coidardo gando e pasar o día entre xogos e bailes. Viñan de nacer, para o mundo de fóra e máis paracoidar do fío da tradición, as cantareiras Pedraquetiña.Pedraquetiña decidiu tomar como seu o nome dun lugar máxico da parroquia de Toutón, ondea pedra repica ao son dondo de campás.O seu primeiro disco "Cantares" preséntase querendo facer un agasallo a todas as persoasque senten na música tradicional o mellor medio de convivencia e divertimento á vez queaxuda a manter viva a inquedanza pola nosa cultura musical.Nos seus concertos en directo preséntanse con unha formación de 14 persoas na quepredomina o feminino: 10 cantareiras, máis dúas gaitas, tambor, bombo e acordeón.O seu repertorio está composto polos temas que inclúe o novo disco, no que se inclúen pezasrecollidas da tradición popular, arranxadas especialmente para este traballo, e outras decomposición adaptadas a estética de Pedraquetiña.